theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Pasi ka manbei wa dang 18 snem, yap lang wa arngut ki khon

Ha iwi i jia wa da pynkhyrngiat ya kiwi boon, ka manbei wa dang 18 snem hadien wa da wiar lang ko wa ki arngut ki khon khian na Kanglatombi AR Colony wa dang haap hapoh ka Sekmai Police Station, Imphal West, Manipur da chem ya ka wa da pasi ko ya idæ wei ki khon ko leh toh kiwa da yap.

Kani kawa da khlaad da tip pyrtuid kam ka Sarasati Ramudamu (18 snem), ka kurim u Deven Lohar na Kanglatongbi AR Colony. Da wiar ko deilang wa ki arngut ki khon ko uwa dang 3 snem wa ka khon wa ar kawa dang 2 bnai donhi wei da wiar ki na yung nadooh ka 17 tarik uni u bnai heipor kamwa 1:00 waje i sngi, da pyntip ki pulit.

Advertisement ad1

Heiyatoh wa ini, u kurim ka Sarasati da pyntip u cha ki pulit ka Sekmai Police Station ha ka 18 tarik hei heiwa hadien kattu katni por da chem yei metyap ko na i khloo wa em hajan ka chnong Parsain wa dang haap hapoh ka Kangpokpi Police Station ka Kangpokpi District heipor kamwa 4:30 noh chariñ ka sngi.

Ya waroh ar ki khon ko da chem na iwa i trep wa em hajan kani ka chnong Parsain, da pyntip ki pulit kiwa da pyntip leh wa da suba wa da tynyap ko ya ki khon ko chwa wow pasi ko ya idæ.

Ya ini i thaw wa chem ya kiwa yap da wan wow takit da ki bru ka State Forensic Science Laboratory heiwa yei metyap da kit cha ka thaw sumaar RIMS yow pyndep yeiwa emkaam.

Advertisement ad1
Share this:
Previous

Lehwarom ka Indian Army ya ki le ngut ki chipai wa khlaad ha ka 18 tarik

Next

Pynbna ka MCA yei pyrtuid kiwa yalehke U-19 Women’s One Day Trophy