Lehwarom ka KKC ka Seiñraij Jowai ya ka sngi laitlooid ka ri

Ka Khynroo Khyllood Committee yong ka Seiñraij Jowai da pynem warom ko ya ka sngi laitlooid ka ri India deiwa kynmoo warom ya u Khlawait ka ri, U Woh Kiang Nangbah. 

Ya kani ka lehwarom da pynman ha Loom Moolikso ha u Mot Sahnaam yong u Woh Kiang Nangbah wei da pynlai da ka Chairperson ka Committee, ka Wandalan Dkhar wei da e yei kyntien ngooh i dem da u Kamnipaia Challam wa i klam tbian na u President ka Seiñraij, u H. Toi.

U President da khana u ya ka parom wa tbian chaphang u Woh Kiang Nangbah weiwa da e mynsien u ya ki khynroo khyllood wow bood  ki ya ki nuksa wa bha yong oo.

Heijooh i por da pynkynmoo u leh wow man kiwa maya ya ka ri wa ka jaitbru yow pynneh pynsah ya ka dustur riti. 

Da booh leh ya u syntu da u Kñi yong ka Seiñraij Jowai, u Myown Chyrmang. 

Hadien wa dep na Loom Mooliksoo, da hiar ha tre kjat u Loom Mooliksoo ha i thaw wa em u Motdur yong u Woh Kiang Nangbah, wei heini da e yei klam tbian da u Dolloi ka Elaka Jowai, u Puramon Kynjing.

Related posts

Hei lai kynreh ya ki dkhot ka KSU poi ki Tear Gas cha ki yung ki bru | Chrai kiwa chong chnong

August 19, 2026

Dei pdung ki Tear Gas wei lakam ka madan thma ka Jaïaw hei lai kem ki pulit ya ki heh ka KSU

August 19, 2026

Hadien won da booh ya u syntu da u General Secretary ka Seiñraij Jowai, u Arwotki Sumer kam ka dak wow kynmoo warom ya u Khlawait yow phooh yow krai i maya ri, maya dustur riti kamwa phooh wa krai u syntu. 

Heini da yoh ya ki kyntien khublei na u Sajon Ksiar Langdoh, Secretary KKC Seiñraij Jowai wei da pynwai ya kani ka yalang da ka Chairperson. 

Ha madan Jrisaleiñ leh ka Committee da lai pynphooh ko ya ka lehkmen dap snem laitlooid ka ri.