Ynne ka sngi kamwa man khlieh u snem, ka Kiang Nangbah Iasiat Khnam Memorial Society (KNIKMS) da kynmoo warom ko ya ka lyngkhooh snem wa 158 nadooh wa chah pasi u Woh Kiang Nangbah.
Ya kani ka kynmoo warom da pynman ha Madan Madiah Kmaiblai ha u Mot Sahnaam u Kiang Nangbah harood ka wah Myntdu heiwa ya kani ka yalang da pynlai da u P. Toi uwa man kam u President ka Society heiwa u MLA ka Jowai, u Wailadmiki Shylla da man u kam u kongsan.
Ynne ka sngi chwa wow booh syntu ha u mot u Kiang Nangbah wei wow pynhær ya ka lama ka seiñ da yoh ya ki kyntien ngoohblai na u Berleemore Shylla.
Neiliang u R. Lakiang uwa man kam u President ka seiñ da khana u ya ka parom u Kiang Nangbah.
U Wailadmiki hawa e yei klam da ong u wa katni emkaam u bood ya ki dak kjat u Kiang Nangbah ha ka yung ha sem, ha ka imlang sahlang wa ha ka ri hi wow raikut ya ki kreh wa leh ki.
Chooh chooh u Wailadmiki da kular u leh wow e yarap hadooh T. 2.50 lak ya ka seiñ wow leh ko yeiwa emkaam.
Da pynkut ya ka lehwarom ynne ka sngi da ki kyntien khublei na u H. Bareh uwa man kam u Asst. Secretary ka seiñ.
