Da u: Daohi Manar
Wym toh ka parom ka Evita na Argentina,
Næ ka parom ka Mahadei u Raja,
Kani toh ka parom na tyngkong ka Ri-loom Jaiñtia;
Chaphang ka puri Blai wa miat kynthai, ka Li Dakha.
U Luh Ryndi toh u woh wa sah rangli-juki
Da li khwe dakha u chisien ka sngi ha, Wai Umwi
Ha khara dakha, da thap yow yoh yutæ,
Hei ngiah i lai luti; Luh Ryndi, ‘Da yoh thiah hadooh wa che’
Dei sya dei jhan, u mih li kreh li khan,
Hei chet i tu, wa hei lum i pynlang, Li Dakha wa yarap ya kaan.
Mar sien kem wyrngu i bneiñ, Luh Ryndi da kyndeh mynsien u poi yung poi sem
Dei sñiawphylla, kaam yung da dep pyndep, nadooh na yung chet-ja hadooh ha dwar p’chem
Kam cha yimphoo neh pho du chipor donhi,
Sah khonswet sa kiwa pli ki khon ki kti;
Chapoh ki moosiang-mootha u liwan kylla dei wym poi pyrkhat,
Kam “nong e jait e kynja” hanpaya cha sla khyndaw pha wa wan yoohkjat!
Bei “wabooh-wathoo” kawa da kyrkhu kynsai
Ya ki khon ka Li, u pynkham kti dei Syiem i Kmai
Kyntien khatdooh ong pho, “Luh, maap ya nga”
U chongneh wa me, ya nga wym chah ka nia;
Li Dakha, da linoh biang ha Waikhyrwi
Pyrseij khwe, wa yieñ dei khlieh cha tre, pynsabut yei khanatang hadooh katni.
