Ka sngi wa sdang dei che dei rang ynne, da kylla syndet ko chei doom deiwa wan u slap wa joor wei da haap phria leh kamwa le sien hadooh wa da lieh ki luti ki syngkieñ ha Jowai.
Uni u slap da pynthut u leh ya ka Chaad Sukra ka Seiñraij Jowai heiwa ym em yoh u sdang yei chaad kamwa da pynbait por.
U slap toh uwa da pyntip chwa da ka IMD, Meteorological Centre Shillong wei daw pteiñ u ha kini ki sngi wow wan ha kylleiñ ka jylla.
U phria katkam wa sakhi ha Jowai toh uwa da haap kamwa le sien wei da em leh kiwa haap da kiwa rap heh wei da tymmoh leh ya ki luti syngkieñ ka chnong hadooh ki dooid ki liar.
Ini da wanrah ko yei eh ya kiwa yah kari kiwa ku cha Ladthadlaboh heiwa da em ki kari wa tler ki wei da em leh kiwa da hap sangeh hapyrdi sarok.
Hadooh wa pynmih ya ka khubor ym pu tip hadooh katwon chah ktah na ini i haap phria.
Discussion about this post