Ka KSU Mopyut da psiah ko cha ka Quarter Final ka lympung yalehbol ha Wahiajer hadien ka Hat Trick na u Jeffery Surong deiwa pynrem ya ka Lamin SC da 3-2 kool.
Ya kini ki 3 kool u Jeffrey Surong da thap ha ka minit wa 14, 49 wa 54 katwa neiliang ka Lamin SC da thap da u Roney Amdep ha ka minit wa 30 wa u Benjoleo Gayang ha ka minit wa 37.
Ha ka yakhun wa ar heipor 3:00 waje i sngi, ka Lumsoiung A da jop ko ya ka Lumsoiung B lyngba ka Tie Breaker 5-3.
Ka yakhun wa bood yong kani ka lympung u man ko ha ka 4 tarik uni u bnai kawa man leh ka sngi sdang ka Quarter Final hapyrdi ka Lumbhahdakha SC pyrchah ya ka Maitchaphrang FC heipor 3:00 i sngi.
Kani ka lympung bol toh kawa pynman da ka KSU Wahiajer Unit.
