Khliehriat: Ka Dong Main Road RBBJ FC da rah ko yei naam wa jop hakani ka Sngi Chohthat wa dadep deiwa pynkhle nasib ya ka Final yong ka lympung yalehke kawa tip kam ka “Umlyngsha Inter Home Football League 2017”.
Ya kani ka lympung da pyllai da ka Umlyngsha Youth Society & Sports Club (UYSSC) ha ka chnong Umlyngsha, East Jaiñtia Hills District.
Ha ka yalehke ha kani ka Final da man ko kawa yathaiñ bha wei yabiang bor pynarliang neibhah ha ka yakhun kawa booh heipor ka yalehke da kut ko mar 0-0 wei hadien ini u Referee da rai u wow e daka yachut penalty heiwa ha kani ka yachut kini ki dhab da ya drawn biang ki wei kiwa chut waroh da lut ki.
Katwa kamtæ da rai wow pynyakhle nasib noh hapyrdi kini ki ar dhab heiwa ka Dong Main Road FC da yoh ko yeinaam jop ha kani ka lympung.
Kamtæ ha kani ka sngi da wan saam ya ki prize da u Waheh Chnong yong ka Chnong Umlyngsha wa u Tbn. K. Shylla hei emlang ki dkhot ka Chnong wa ki Dkhot yong ka Club.
Discussion about this post