Lyngba ka phone chah thok kawi ka bru hadooh T. 19,976

Jowai: U SP ka West Jaiñtia Hills u R. Muthu da pyntip u wa ha ka 9 tarik uni u bnai kawi ka bru na Jowai da yoh phone na u number 9278501251 heiwa u bru wa phone da kam u wa oo toh uwa kreh ha ka Bank of Baroda.

Uni u bru da kam u wa thut ka ATM Card ko kamtæ emkaam u pyntip ko chaphang waroh i jait neibynta ka Card ko yow lait ko u chah Block. Kani ka bru deiwa chaniah da khana lut ko wei hadien kattu katni por da poi message wa da em wa sai T. 19,976 na ka Bank Account yong ka.

Ini ymtoh i sien wa nyngkong wa jia kamni wa chah thok ki bru wei da kyntu ya ki paidbah wym hoi u chah pynbiej ki ha kam kini ki bru neibhah ki bank ym jooh phone ki ya ki paidbah wei lada emkaam ki katwa em leh jooh phah wan bait ya ki cha ka bank ym jooh leh ki lyngba ka phone.