Lyngba ka tanghæng ka Masjid lait im ki 7 ngut hadien wa noh ka kari cha ka nan

Ka tanghæng ka Masjid da yarap ko wow pynlait im ya ki 7 ngut kiwa chong hapoh ka kari kawa da noh cha ka nan harood ka Borobhari Jame Masjid ka Bahadurpur, Niliambazar ha Sribhumi District, Assam.

Ini da jia i hei step ka 1 tarik heipor 4:00 waje hadien wa ka kari wa chong kini ki bru da tlær ko ha u sarokbah Assam-Tripura National Highway wei da noh ko ha ka nan hajan Bahadurpur GP Office.

Waroh ki yit ka kari da man ki kiwa khang neibhah wa dang thiah kiwa chong ha ka.

Mar ya tip yeini, u Maulana Abdul Basit, Imam ka Jame Madjid wa uwa sikai ka Mirabari Madrasa, da sñiawthooh u yei maa heiwa da kbai u lyngba ka tanghæng wow pyntip ya ki paidbah yeiwa jia wei wow wan yarap ki wut-wut.

Related posts

Chem metyap na wah Umsuwai

February 27, 2026

Pynlait ka sorkar ya 84 tylli ki Bus thymme wa kynthup ya 55 tylli ki Electric Bus

February 27, 2026

Du hapoh da ki minit da mih ki paidbah kiwa da kynthih cha ka nan wow yarap pynlait ya kiwa em hapoh kani ka kari wei da ye u sai ya waroh ki 7 ngut.

Neiliang ki paidbah da yaroh ki ya u Maulana Abdul Basit Imam wa smat u wow pyrkhat wow paan yarap deiwa kbai lyngba ka tanghæng.