Shillong: Ki montri ka sorkar jylla na ka seiñ saiñ pyrthai ka People’s Democratic Front (PDF) wa kynthup ya u Hamletson Dohling wa u Banteidor Lyngdoh, ha ka 10 tarik uni u bnai da lai yachem ki wa u Montri Rangbah ka jylla, u Conrad K Sangma wow kyntu ya oo wa ka sorkar wow pynkrehkaam noh ya ka khyrdop kynreh baar jylla (Entry & Exit Points).
Kamwa ka sorkar hi ym pu em ko ki kyndon aiñ kiwa khlan wow yada ya i wan psiah ki baar jylla wa ki baar ri, ka PDF lyngba ki montri sorkar, da pynsñiaw ki wa i por man i iwa emkaam wow booh noh ya ki khyrdop ha ki thaw psiah wa mih pyrchah ya ka aiñ chapoh ka jylla.
U Hamlet Dohling da ong u wa ka Party sñiawkhia ko yei wan psiah ki bru chapoh ka jylla khlem em wa sylli ya ki wei da yaklam ki wa u montri rangbah wow pynsmat u pynkrehkaam ya ki khyrdop wei lada dang pynslem dang ktah ko ya ki tre jylla.
U Dohling da ong u leh wa i yachem wa u Conrad da ong u wa ya kani ka kaam da tip leh u montri ka kaam pohyung ka jylla u James K Sangma wei daw pynchang wow booh chwa ya ka kynrdop ha Mendipathar.
“I kwah kwah leh wow booh ya ka khyrdop ha Ri Bhoi (19 Mær) wei neiliang ka party da chimkhia ko ya ini wan psiah ki baar jylla ” da ong u Dohling.
Discussion about this post