Maham chwa u Mukul wa ka NPP daw chem ko yei eh bha ha ki Election wow wan

Uwa yahkhmat ka Liang Pyrchah hapoh ka jylla, u Dr. Mukul Sangma da maham chwa u ya ka NPP wa daw chem ko yeiwa eh bha hawa lai biang cha ki Election kiwa daw man ha ki por wow wan.

Ini i klam yong u Dr. Mukul Sangma toh hajrong i lai ki 3 ngut ki MLA ka Congress cha ka NPP, heiwa da ong u wa ini i rukom leh ka NPP toh iwa da leh khlem pyrkhat neibhah wym sñiaw chngaaiñ ka Liang Synchaar.

Heiyatoh won wa i kam ka NPP wa daw poi i por wa ka Congress daw wiar ko na ka jylla Meghalaya, neiliang u Mukul da ong u wa man iwa suk wow klam wa ka seiñ saiñpyrthai daw chah pynwiar ko wei toh i wym jooh em jia kam ini, neibhah wa toh ki paidbah kiwa pait, kiwa bichaar wa kiwa rai.

Da ong u wa ka NPP em ko ha ka sorkar wa yahkhmat hi ko wei waroh tip ki wa kammon poi ki chadooh 31 ngut ki MLA deiwa booh hakhmat yei chngaaiñ ka sorkar wa yahkhmat ka NPP.