15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Maham ka AJSU ya kiwa ebuit ka seiñ wymhoi u pynmih khubor ki khlem tip ka Seiñbei

0 Comments

Jowai: Hadien wa mih ka khubor ha kini ki sngi wa dadep neiliang ka seiñ AJSU-CB da khyrngiat wei sñiaw phylla ko ya katai ka khubor wa maham ya ki dkhot ka seiñ wow thooh yarap poisa namo donation nanmo wow paan yarap ya ka seiñ.

Neiliang ka EC ka CEC da sñiaw phylla ko yeini i mih khubor neibhah wa man ko kawa khlem yurim.

Hejooh i por ka CEC ka seiñ da maham joor ko ya uwon uwon uwa ebuit namo u Adviser næ uwa yarap ya ka seiñ wow dam u phah ya ki khubor khlemkaam khlem da tip ka CEC næ ki kiwa kitkaam wa hakhmat ka seiñbei.

Neiliang ka seiñ da ong ko wa lada chem ko sachisien yeini neiliang ka seiñ u ujor ko ya kani cha ki bor ka aiñ heiwa da pynche ko leh wa ya kani ka khubor em kiwa chim kabu ki wym tip ya kiwon kiwon ki program næ ka issue kawa da pynkhyrngiat ya kiwa kitkaam ka seiñ.

Katwa kamtæ heijrong ka khubor wa ong wa daw yachem ka seiñ wa ki MLA ka thaiñ, kani leh man ko kawa khlem yurim wei neiliang yong ka seiñ ymkwah ko wow emkti ha ki kaam saiñ hima wei ym slem de daw khut yalang ko wow pynbait noh ya ki kaam pohyung ka seiñ khamtam heiyatoh wa kam kini ki khubor khlemkaam.

Da kyntu ko leh ya ki paidbah wa ymhoi u sñiawthooh bakla ki ya ka khubor wa mih ini wadep kawa khlem yurim.

Heijooh i por da kyntu joor ko ya ki Circle ki Unit wa ymthoh u sñiawphylla ki ya katai ka khubor wa dadep, wei wow man ki kiwa khlan hei pyrkhat pyrdaiñ.

Ka seiñ da pyntip ko leh wa daw pynman ko ya ka Awareness Program ha Jowai, West Jaiñtia Hills hajrong ka aiñ POCSO Act.

Also Read: Maham ka AJSU ya ki dkhot kiwa dawa poisa na ki paidbah wa kiwi kiwi

Previous
Next

0 Comments

Leave a Reply