Jowai: Ka chnong Panaliar e khublei ko ya waroh ki lok ki jor wa na jan na jngai wa wan uiñke pyngngad chapoh u pood u ang yong ka khamtam ha kani ka Independence Day wa dangdep, yei yakrehlang yong ki chirup wa ka chnong.
Kamwa ka chnong nadooh nachwa ymjooh chah ko u dai kiad, drugs, bhang næ kiwon kiwon ki jait dih pynmuaid hapoh u pood u ang yong ka kamtæ neini chakhmat leh, ka chnong pdiang sñiawbha ko yeiwan yongphi deiwa kyrpad yaphi waroh ki khon ka chnong næ kiwa na baar leh, wa hawa em hapoh u pood u ang ka Chnong, toh u yakrehlang wa ka Chnong.
- Man kiwa em akor em burom hei ktien i klam. Ham pynemkaam ya ki jait dih pynmuaid næ yakhle hawa chongke cheitu cheini.
- Hawa wan dei kari dei mator, ham yah syllad ya ki kari weiwa ham pynheh sur iwow pynwit ya kiwa em charood chakiar.
- Sumaar khooid ya i rood i kiar deiwow dam u noh u pyntaroi cha luti syngkieñ ya ki kot song baam, ki plastic næ kiwi.
- Waroh ki dukan leh u ya pynkhooid ki jar jiar i phrang dukan yong ki yow neh i khooid i pliah deiwow ong ki ya kiwa thied na ki wow dam u noh taroi kat chawa yoh.
- Kiwa baamdoh charood ka Wah Myntdu næ cha kiwi ki thaw; ham pyntaroi yei thaw; manda dep, pyllang pyllum, pynkhooid pynjngiar. Ham ieh yei taroi yong phi u neh i heitu.
- Ha waroh ki thaw hawa pynyieñ kari, pynyieñ dei rukom wym wit wym thut ya kiwa lai wa wan weiwa ham pynyieñ kari hei miet hei langoh chapoh wadoom næ chi lynter ki sarok ka chnong.
Da maham leh wa lada em wa leh pyrchah yeini daw pynchitom katkam ka aiñ chnong chirup wa ki yong pulit.
Discussion about this post