Jowai: Ka NPP da pynkhlan chooh chooh ko yei pynkhreh yong ka neibynta ka By-election ha Ranikor Constituency deiwa pynman ya ka yalang ha Nongnah, South West Khasi Hills heiwa da emlang u symbood montri rangbah ka jylla, u Prestone Tyngsong wa kiwa kitkaam ka party.
Hawa klam ha kani ka yalang da kyntu u ya ki paidbah wow pdiang ya ki kaam pynroi wei ymtoh wow chah yah bakla ha kiwi tawon heiwa da pynkynmoo u ya ki por wa yakhih wow dawa jylla heiwa da ong u wa waroh ki jaitbru hapoh ka jylla da man ki kiwa yatylli wow yoh ya ka Meghalaya.
Da ong u wa da pynkha ya ka jylla neibhah wa ki pidbah ka thaaiñ da wan ki chakhmat wow tylli neibynta wow yoh ya kani ka kaam.
U Prestone da ong u wa ka kaam uiñke suwari man ko kawa emkaam bha wow e khih e kreh ya ki khynroo khyllood ka thaaiñ neibhah wa ka South West Khasi em ko chiboon ki thaw wa yoosuk wei ka sorkar MDA u thooh ko ki laad wow pynpoi ya ki kaam pynroi liang wanang khamtam ha kani ka liang.
Ha kani ka yalang da emlang u montri ka tnat Industries & Commerce u Sniawbhalang Dhar, u MDC na Sohryngkham u Pyniaid S. Syiem wa kiwi kiwi.
Discussion about this post