Maham ka Dorbar Chnong Pamra Kmai ya kiwa leh pynsih ya u moopood ka khloo chnong

Ka Dorbar Chnong Pamra Kmai ynne ka sngi ka 5 tarik kamwa jooh leh chisien chisnem da ya mih paidbah kynthai wa chynrang wow pynthymme ya u pood u ang ka khloo chnong wa tip kam ka Khloo Umpyai.

Ha kani ka mih paidbah ka chnong da dap ko dei chrai wow chem wa em ki wa leh pynsih ya pood yong kani ka khloo chnong, hei yong sakhiat u pood u ang kani ka khloo chnong da biang nadong chadong nadooh ki por ki waheh warim deiwa bood hadooh katni.

Kamtæ ka dorbar chnong da maham ko deiwa eh ya kiwon kiwon ki wa pynpiah pynpra ya u moopood wa da chna wa da seh ha tymbud kani ka khloo wei daw thooh bniah deiwa tikna wei lada tip ya kiwa leh pynsih yeini daw u leh katkam ka kyndon aiñ deiwa khor.

Chooh chooh ka chnong da khang pyrchah ko ya waroh u pam kulmar ya ki dieñ im kamjooh ki dieñ wa yap ha kani ka khloo kam chibynta u pynneh pynsah ya ka bei rymaw.

Da maham leh ya kiwon kiwon u pynyap wei chroo dawai ya ki dohum dohwah wa em ha lynter ki liar ki dooid kani ka khloo chnong, kamjooh da booh i maham wym hoi u thang loom thang dieñ ha waroh u pood u ang ka chnong.

Related posts

U mihkhmat ka Sheetal ya ka India wow yakhun pyrchah ya kiwa dap pura hei doh i pran

November 8, 2025

Yoh ka Tura ya ka yung krehkaam ka MPSC | Daw booh leh ha Jaiñtia Hills yow man salonsar, ong u Conrad

November 8, 2025

Lada chem ya kiwon kiwon kiwa leh pyrchah yeini waroh daw e dei sneiñ deiwa eh katkam ka bor aiñ yong ka chnong.

Ka Wyrta na u Waheh Chnong wa u Secretary Chnong.