Ka seiñ FKJGP-WJHD da ong ko wa ki bru hapoh ka West Jaiñtia Hills District da chem ki yei boon i eh, khamtam kitu kiwa jngai chnong neidaw wym krehkkaam bha ki sahep ha ki chnat sorkar waphær waphær.
Ka seiñ ong ko wa da chem hadooh kini ki ki sngi leh wa ki sahep sorkar toh kiwa kheiñ stiñ wow wan biangpor wei wow em hapoh ki yung krehkaam ha ki kynta krehkaam (Office Hours) wei hadooh wow pep u wan cha thaw kreh wei wan ki katwa mon hi eh.
Hajrong ini i jia, ki paidbah khamtam na ki thaaiñ nongkyndong wa kiwa dooh wa duk chem ki chiboon ki eh neibhah wym yoh ki wow yachem wa ki sahep ha i por wa biang hadooh wym ye u pyndep kaam, wei ini da wanrah ko yei lut i por, i bor waka poisa du neibynta iwi i kaam, chooh chooh i dooh nong ki leh wan i neidaw wa hap ki wow pep u lai mylla sngi.
Hajrong ini, ka seiñ da maham joor ko wei daw chimkhia lada chem ya kam kini ki sahep sorkar.
Ini toh ka khubor wa da pynlait da u President ka seiñ u Nabait Ymbon.
Discussion about this post