Shillong: Ka Hynñiewtrep Achik National Movement (HANM) da epor ko ya ka chnat pynroi sor wow khyndang ya waroh kiwa dai madan ha talawiar ki thaw ka Iewduh, Khyndailad, Motphran, Bimola, Iewmawlong wa cha Khliehiew.
“Da yoh ujor i na ki paidbah wa i khynnia da man i chawa palat neidaw kiwa dai madan hadooh wa da thut i lai luti,” da ong u president ka HANM, u Lamphgrang Kharbani hadien i yachem wa u Montri ka chnat, u Hamletson Dohling.
Da ong u wa ini i chong dai da wanrah i yei maa ya ki paidbah kiwa lai wa wan na kani ka sarok wei wa boon na kini kiwa chong dai toh kiwa na baar jylla.
“Lada ka sorkar ym leh ko iwon iwon hapoh chi bnai, ym yohsa de i wow khyndang ya waroh kiwa dai madan, khamtam kiwa boon hi man ki ki baar jylla ki wym tiptre de,” da ong u.
Hajrong i sahteiñ ka mukotduma hajrong kani ka kaam ha Meghalaya High Court, da ong, “U montri da pyntip u wa dang bichaar ka yung kasari ya ka,” da pynrap u leh deiwa ong wa ym yang ki ya ka rai tangwa u lai ki chakhmat wow khyndang ya ki neibynta i bha i miat ki paidbah.
Heijooh i por u Kharbani da khana u wa u montri da kular u wow chimkhia ya kani ka kaam.
Discussion about this post