Shillong: Ka seiñ ki warep wa kynthup ya ka jylla waroh kawi ka Hill Farmers Union (HFU) da maham joor ko ya kiwa khayi kiwa myllien wow ah kilo kawa man pyrchah ya ka aiñ ya ki maar rep ha Iewduh wa ki yaw waphær waphær kiwa em ha Ri Khasi Jaiñtia.
Katkam ka kyrwoh khubor na ka HFU da pyntip wa ka seiñ da yoh ujor ko na ki warep wa i ah kilo da jia ym du ha Iewduh, kamjooh leh ki yaw waphær waphær wa kynthup ha Ri-Bhoi, West wa Southwest Khasi wa ha ki ar District ka Jaintia Hills.
Da pyntip leh wa ki warep da ujor ki ha kiwa yahkhmat ka HFU wa ha Bhoi Rymbong, Umroi, Umsning, ki thaaiñ Umphyrnai, thaaiñ Mawmih wa kiwi kiwi ki thaw wa kiwa khayi ah kilo ki, kamtæ ka seiñ ka da hamam ko wa lada kiwa khayi yaleh pyrchah ki ya ka rai yong ka KHADC wa da maham wym toh u ah kilo wei u thaw katkam wa khia ka churia, lane u khoh wa u chang heipor wa thaw ya ki mar, ka seiñ ym banse ko wow kem kamwa kem ya kiwa ah kilo ha Iewduh wei daw e kti ya ki ha ki bor yong ka aiñ.
Neiliang yong u Commander Shangpliang, President wa u Alfondbirth Kharsyntiew, General Secretary yong ka HFU seiñbei da kyntu ki ya ki warep wow ujor cha kiwa yahkhmat ha ki District wa ki chnong waphær waphær yow kem syndon ya kiwa khayi kiwa ah kilo wei da kyntu leh wa ha ki chnong ki wym pu chna Unit ka HFU wow chna noh smat khnang wow ye u krehlang wow pyndooh syndon ya kani ka kaam wei wow kreh leh ya kiwi ki kaam wa ktah ya ki warep.
Lada em kiwon kiwon ki bichaar ye wow Phone bait ha u President wa General Secretary ha kini ki Number 8837287374 lane 9366601874.
Also Read: Pteiñ i ah kilo, yoh kem ya uwa ah kilo ya u piskot ha Iewduh
Discussion about this post