theme-sticky-logo-alt
theme-logo-alt

Maham ka HNYF wow lai kyrniom cha Them Metor lada kohngooh ka sorkar wow e thaw

Ka Hynñiewtrep National Youth Front (HNYF) East Khasi Hills, da maham ko wow hiar cha Them Metor lada ka sorkar kohngooh ko wow e thaw neibynta wow kyrriah ya ki bru na kani ka thaw.

U President ka HNYF East Khasi Hills, u Bless Dkhar da ong u wa lada ka sorkar e thaw ko ya kini ki bru da man i iwa tyngkheiñ ya ka aiñ khyndaw namo ka Land Transfer Act yong ka jylla, wei da ong u wa ka seiñ la man katwa man ym chah ko yeini.

Da kylli u leh ya i mih ki manyung iwa hadooh 342 tylli ha Them Iewmawlong, wei da ong u wa ka sorkar toh u lai bait ko katkam ka Service Rule lada toh ki wakreh ha ki chnat sorkar wei lada ki bru na ini i thaw pynkhor ki wow mih, ka sorkar toh u beh ko ya ki deiwa pynrap wa lada kiwa em hei bor ymye ki wow leh yeiwa emkaam da toh i por wow hiar chuki ki.

Chooh chooh da ong u wa ka HNYF da man ko kawa da pynkhreh wow kyrniom cha Them Metor lada ki bru wa sah ha ini i thaw ym mih ki, wei lada ka sorkar ymye ko wow kyrriah ya ki da toh i por wow e kti noh ha ki seiñbhalang neibhah wa i thaw hi dang toh i yong ka Hima Mylliem.

Share this:
Previous

Kyntu u Wailadmiki ya ki khon ka Ri-loom Jaiñtia wow yakhun ya ka CUET wow lait nei silet

Next

Ka KHADC ym em rai ko wow lai cha ka Kasari pyrchah ya ka soskular pynbait pood, pynche ki MDC ka NPP