theme-sticky-logo-alt
theme-logo-alt
Advertisement ad1
Advertisement ad1

Maham ka HYC wow Boycott Election lym ye u pynbait yei thaw noh jhep

Advertisement ad1
Advertisement ad1
Advertisement ad1

Ka seiñ HYC Jaiñtia Hills District da ong ko wa na ki por cha ki por neiliang ka seiñ da kyrpaad ko ya ki bor District wa ya u Montri wa toh u pait, u Sniawbhalang Dhar wow tuklar lang u ya i eh ki paidbah wa da maad ki kattu la chi snem heiyatoh wa i jhep wa mih na ki yaw ki haat kiwa em ha Jowai.

Ka seiñ da ong ko wa dang ha kini ki kajiak sngi wa dadep u Montri ka chnat Urban Affairs dadep klam che u hapoh ka yung dorbar wa da dep yoh 3 tylli ki thaw kiwa ar tylli ha West Jaiñtia wa kawi ha East Jaiñtia Hills District yow pynman kam ki thaw noh jhep wa chipor tangwa sñiawsih won wa i jhep wa mih na ki yaw ki haat dang em ki hadooh katni ha laad Thomas Jone Synod College, Jowai wa hajan ka yung krehkaam u DC iwa da booh hei eh ya ki paidbah wa boon walang kiwa lai wa wan na kitu ki thaw wa da mih i smatung wym ye de u chah hadooh kattæ kattæ iwa da ktah leh yei chait i khiah yong ki bru.

Advertisement ad1

Ka seiñ da beiñ joor ko yei wym bna u Sniawbhalang Dhar wa u MLA ka Jowai neibhah wa hadooh katni ym ye ki wow pynbait ya ini i eh ki paidbah tangwa dang joor ki du dei kular donhi khamtam u MLA ka Jowai u Wailadmiki Shylla wa da jan dap 3 snem wym yoh thaw noh jhep iwa da yoo lakam wow pynbiej ya kiwa chong chnong ka Jowai.

Kamtæ ka seiñ da kylli ko wa lada em sakhiat i thmu wow pynkylla ya ka Jowai Town cha ka Smart Town namo ini toh du wow pynbiej Election ya ki paidbah.

Neiliang ka seiñ da klam che wa lada ya ini i jhep wa em katni dang neh ki hadooh wa poi kitæ ki samoi lehkmen, daw chim da kawi won ka luti heiwa daw khut daw pynlang ya ki paidbah yong ka Jowai wow Boycott ya ka Election 2023.

Share this:
Previous

Da pynlait poisa cha ki warep wa chah ktah nei chlai um wei joor slap

Next

U-23 Boys Cricket Tournament: Jop ka SCA (B) yaka East Jaiñtia CA