Ki heh ka sorkar ka ri Iran kamjooh ki chipai yong ka da maham ki wow tput yei chah tynyap u khlieh ki chipai ka ri, u General Qasem Soleimani, ha ka United States of America ynne i step ha Baghdad, Iraq.
Neiliang ka yung krehkaam ka Pentagon da pyntikna ko wa u Soleimani da yap u hadien wa dat bom ko ya i thaw hajan ka Baghdad International Airport.
Hadien wa chah tynyap u Soleimani da thung noh ya u Brig. Gen. Esmail Ghaani kam u khlieh ki chipai da u khlieh dooh ka ri namo u Supreme Leader u Ayatollah Ali Khamenei ynne hi ka sngi.
Ka laad pathai khubor ka Iran, ka Fars News Agency da ong ko wa u President ka ri, u Hassan Rouhani da rai u wow pynhiar tput yeini i leh ka America.
Neiliang u Prime Minister ka Iraq, u Adel Abdul-Mahdi da beiñ u yeini i leh ka America.
Ka Pentagon da kam ko wa da leh ka America yeini hadien wa mynjur u President Donald Trump wow tynyap ya u Soleimani neibhah wa uni u heh chipai ka Iran emkti u wow hiar thma ya ki chipai ka America wa ki lok yong ka ha Iraq.
Discussion about this post