Ka seiñ Jaiñtia National Council (JNC) da maham joor ko ya kiwa dai marbaam khamtam ya kiwa dai yonglang (Wholesale) kamjooh leh ya kiwa dai pateiñ næ khutia wa ym toh u dai ki ya ki marbaam kiwa da kut por kiwa da palat tarik neibhah ye ko u ktah ya i chait i khiah yong ki bru, ym toh leh wow chim kabu kiwa dai ya kitu ki wym tip u purae, da ong u Rimiki Dkhar President ka JNC-KC.
Da ong u wa boi ha kam kini ki por kiwa dai Wholesale ye ki wow pynlai yaw chwa da ki mar warim kiwa da kut tarik du wow lait nei dooh nong khamtam cha ki bru wa wan na nongkyndong.
Tangwa lada chem ka seiñ ya kam kini kiwa chim kabu, ka seiñ ym elaad ko ya ki, daw chah pynchitom ki kat kam ki kyndon aiñ, ka seiñ da kyntu ko leh ya kiwa dai wow pait bniah chwa ya ki mar yong ki ha chwa wow dai cha ki bru.
Ka seiñ da maham ko leh ya kiwa dai dukan wa ym toh u dai syad dor palat ya kiwon kiwon ki mar khamtam ya ki marbaam, wei wow dai katkam i dor wa toh u dai, pynkut u Rimiki Dkhar, President ka seiñ JNC-KC.
Discussion about this post