Jowai: Ka seiñ JSM-Eastern Region neidaw wa chem ko wa chah leh beiñ ki jaitbru Pnar ha ki baar jylla haka sngi Iawpynkat wa em ha Khliehriat, EJH neidaw wa da boon palat ki baar jylla wa chong khih chong dukan hapoh kani ka yaw kiwa ym tip de kiwa wan neiwon hadooh wa ye u man leh kiwa wan na baar ri kamjooh wei ym biang ki yaki kot ki sla, da beiñ joor yaka JHADC wa ym chimkhia ko ya ini i kaam.
U President ka JSM-ER u Shnalad Rymbai da ong u wa lada ka JHADC ym wan sylli ko ha ka sngi Iawpynkat ha Khliehriat, ka JSM ym yohsa wow mih yow beh syndon yaki baar jylla na kani ka yaw neidaw wa kani ka yaw toh kawa kyrpang ha ri-loom Jaiñtia kawa seiñ nadooh u snem 1951 wei da sdang yaka neibynta ki tre chnong tre thaw kawa man kordor tangwa kiwa mihkhmat ka JHADC da thlah ki wow pait ya ini.
U Shnalad Rymbai da ong u leh wa lada em kiwon kiwon ki jaitbru yong i wa pynchah pyrtuid yaki baar jylla yaki leh toh u beh.
Also Read: Ki baar jylla ymtoh u chong dai ki ha yaaw Khliehriat ha ka sngi Pyngkat: JSM-ER
Discussion about this post