Jowai: Ka seiñ Jaiñtia Students Movement -Eastern Region (JSM-ER) da pynman ko ya ka yalang yong ka ynnin ka 21 tarik heiwa da emlang leh ki dkhot wa thymme ka seiñ.
Ka phang wa da yaklam yillu bha toh chaphang wow kyrriah wei wow khang noh ya ki baar jylla na ka yaaw Khliehriat ha ka sngi yaaw Pynkat.
Neiliang u Kampher Salahe, Sports Secretary ka seiñ da man u kam u chongknor ha kani ka yalang wei u President yong ka, u Shnalad Rymbai da ong u wa ki baar jylla ymtoh u chong dai ki ha yaaw Khliehriat ha ka sngi Pyngkat.
U Shnalad da ong u wa kani ka sngi man ko ka sngi wa kyrpang yong ki bru Ynñiawtrep nadooh ki por nachwa weiwa ka seiñ da pynkhreh ko wow thoh noh cha ka District Council heiyatoh wa ini.
Ha kani ka sngi da pdiang leh ya ki dkhot wa thymme heiwa chwa wow pdiang ya ki da em ka yalang heiwa da yoh i klam na kiwa kitkaam ka seiñ kam u Hepwing Chyrmang, u Financial Secretary wa da e ki kyntien pdiang burom, u Justming Chyrmang, u Vice President da e u i ki kyntien sneiñ kyntu, wei da pynbaam smai ya kini ki dkhot da u Shnalad Rymbai.
Da pynkut noh ya ka yalang da i klam na u Jngailang Salahe.
Discussion about this post