Maham ka JSU yaka Committee u Gopal Dey wym toh u pynchit wei wow pynbaad khlem sabut

Ka seiñ JSU da maham ko deiwa eh ya u Gopal Dey wa yaka Committee yong oo ka Coordination & Welfare Committee (CWC) Shella Bholaganj Block and Adjoining Areas wym toh u pynchit næ pynbaad kulmar ya ki dkhot ka KSU wa pynyap ki ya ki ar ngut ki Dkhar ha Ichamati.

“U Gopal Dey ymtoh u pynbaad kulmar u yaka seiñ wei ka seiñ da ong ko wa ki bor pulit toh u pynngat wei pynchitom hapoh ka aiñ ya kam kini ki bru kiwa pynbaad khlem ki sabut ki sakhi wa biang,” da ong ka seiñ.

Ka seiñ da ong ko leh wa kut wa jia iyi iyi ya ki Dkhar, da chah pynbaad bait ki dkhot seiñbhalang neipor cheipor, wei ka seiñ da ong ko leh wa u Gopal Dey ymtoh u pynaad u khlem ka sabut wei ki pulit toh u takit wei u leh ki yei kaamram ki.

Ka JSU da dawa ko leh na ki bor District wa na ka sorkar wa lada man katwa man leh wym toh u e laad yow pynman yalang kini ki bru ka CWC neibhah daw nang pynchit ya ki dkhot, ka jaitbru wei daw wanrah chooh chooh yei sñiaw yaphær jaitbru wei i ya umsnaam.

Ka seiñ da kylli ko leh na ka sorkar jylla wa ya ki Dkhar thrang snaam kiwa da pynkut wei pynyap yei mynsien wa lui lui yong u Lurshai Hynniewta ha Ichamati, wa lada yoh kem ya ki wei heiwon da kset ya ki.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

October 5, 2026

Ka JSU da dawa ko leh na ka sorkar wa toh u sai madan yaka Case yow yoo pyrthai ya kitu ki Dkhar kiwa pynkut yei mynsien u khynroo ka Bri U Ynñiaw Trep.

Ka kyrwoh na u Jersom Shylla, President-JSU CB wa na u Treiborlang R Suchen, General Secretary-JSU CB.