Ka KSU San Chnong Unit kawa pait ya ki chnong Cham Cham, Mutong, Mukhaialong, Pynthorsale wa ka Lumshyrmit da maham ko ya kiwa kamai kari ymtoh u chim kabu ki ya ki paidbah deiwa pynsy’ad ya ka bai kari ha ka thaaiñ.
Da ong ko wa emkaam u chim kam heipor wa jooh chim chwa ka Lockdown neibhah katkam wa man katni da pynyinsur lut ya ki kyndon wei i rukom kit bru ymtoh de kam heipor Lockdown.
Ka seiñ da ong ko leh wa ini toh i ujor wa da yoh na ki manbei ki manpa wa na ki khynnah skur kiwa chem chitom ha i lai i wan neidaw wa da ku ware ka bai kari.
Da maham ko leh wa lada chem ya kiwon kiwa thap boon ngut wei wow chim ya ka bai kari kawa heh, neiliang ka seiñ daw leh ko yeiwa emkaam pyrchah ya kitæ ki tre kari.
Kani toh katkam ka wyrta na u President ka seiñ, u Delmon Phawa wa na u Publicity Secretary, u Iahphang Dkhar.
