Ka Khasi Student Union (KSU) War Jaiñtia Circle, hapoh i yahkhmat u President u Laitphar Syngkrem, ynne ka sngi da maham ki deiwa khor ya ki bru wa chim kabu kiwa thmu wow tynyap khiar ya ki dakha wa ki dohum ha chi lynter ka Wah Umngot.
Yeini da leh ka seiñ neidaw wa ha ka 13 Wisu 2021 ha ki bynta ka wah ha chnong Padu, da chem wa boon ki dakha kiwa da yap wei kiwa da pær ha kani ka wah.
Neiliang ka seiñ da ong ko wa ym du ha kani ka sngi tangwa ki damok da tynyap khiar ki leh ya ki dakha aw jan man-ka-sngi wei iwa rap joor toh ha ka sngi Choh-that wa haka dep sngi Bibar wa dep, wei ini da ktah bha i ya ka wah kawa da bna naam bha kam kawa khooid wei boon dakha.
Ka seiñ da pynsñiaw ko yei diaw wei dooh mynsien deiwa kyntu ya ki paidbah ki chnong kiwa hajan ka wah Umngot wow krehlang wa ka seiñ khnang wow ye u pynneh yei man kyrpang kani ka wah.
