Jowai: Ka seiñ Meghalaya People United Front Central Governing Body MPUF-CGB hadien wa yoh ko ya chiboon ki ujor naki paidbah heiyatoh wa i rukom krehkaam ki wakreh Jowai Civil Hospital, Ialong haka 19 tarik uni u bnai da lai yachem ki wa kiwa pynlai yong kani ka Hospital wow thooh yeiwa sakhiat.
Neiliang ka seiñ da kylli ko yaka rukom phah kreh ya ki wakreh (Staff) wow yarap yaki paidbah wa wan phah sumaar, wei neiliang kiwa pynlai da ong ki wa da phah ya waroh ki wakreh wow yarap ya ki paidbah wei wow burom yaki paidbah wa wan phah sumaar ha kani ka Hospital.
Tangwa da lyngngoh ka seiñ wa yoh ko chiboon ki ujor naki paidbah yaka rukom klam khlemakor wa i leh heh ki wakreh kiwa ym burom ya ki paidbah wa wan phah sumaar ha kani ka Hospital.
Neiliang ka seiñ da maham joor ko wa neini cha khmat lada ka seiñ yoh ko ya ki jooh ki ujor naki paidbah, ka seiñ ym chong kli kti ko wei daw leh da iwa eh pyrchah ya uwon uwon lane kawon kawon ki wakreh katai ka Hospital pynkut ka kyrwoh na u Publicity & Information Secretary ka seiñ u H. Bhoi.
Discussion about this post