Jowai: Ka Village Defense Party (VDP), Kuliang, East Jaiñtia Hills District, da maham ko ya kiwon kiwon ki bru kiwa khayi tooh (Smuggler), kiwa pynlai masi wa ki mooid na kpær yong ki bru hapoh ka thaaiñ Kuliang neibhah da ktah ko haddooh kattæ kattæ ya ki mar rep kiwa chong chnong ka Kuliang.
Da maham leh ya kiwo kiwon kiwa dai ya ki jait dih wa pynmuaid, kam ka kiad ki drugs wa kiwi kiwi de ki tiar pynmuaid.
Lada chem ya kiwa kam kini, ka VDP næ ka bor chnong daw leh ko deiwa eh ya ki katkam ka aiñ.
Ka VDP da ong ko wa da em ki bru wa myllien ya kam kini ki kaam wei da beiñ joor wei ym e laad ya kam kini ki bru kiwa leh tooh neidaw wa da ktah ko ya ka imlang sahlang wa ka chongsuk chongsaiñ.
Discussion about this post