Maham ka VDP Ladthadlaboh ya kiwa pynhær kari deiwa booh leh 12 tylli ki kyndon

Ka General Meeting wa pynman da ka Village Defence Party (VDP) ka Ladthadlaboh wa ka Ladthadlaboh Youth & Social Organisation (LYSO) ha ka 9 tarik uni u bnai October 2025, da chim ko yei rai wow maham deiwa eh ya ki bru kiwa leh pyrchah ya kini ki kyndon ha wah:

1. Kiwa chong dih kiad/dih bhang/dih drugs wa kiwi kiwi ki rukom jait dih pynmuaid.
2. Kiwa dai drugs/dai bhang/dai kiad.
3. Kiwa noh taroi ya i jhep, kiwa pyntngit pyntaroi ya ka chnong ka thaw.
4. Kiwa leh ya ki kaam awria/khlem-akor.
5. Kiwa klam sih klam sang.
6. Kiwa chong-ke ha ki thaw wa doom.
7. Kiwa pynood ya ki kari/bike/scooty.
8. Kiwa pynheh ya ki sur wa tem hapoh kari.
9. Kiwa pynyieñ kari ha ki thaw wa pynwit pynthut ya kiwi tawon.
10. Kiwa pynhær (Over Speeding) ya ki kari/bike/scooty.
11. Kiwa wai dukan miet palat yei por wa da booh ka chnong.
12. Kiwa booh pynyieñ kari harood sarok harood madan khamtam heipor miet por synyaaw.

Lada chem ya kiwon kiwon kiwa leh pyrchah, u chah pynchitom u chah daiñ kuna ki katkam ki aiñ yong ka chnong kamjooh leh katkam ki aiñ yong ka bor sorkar.

ADVERTISEMENT

Related posts

Daw rai u Paul cheiwon u psiah la cha BJP næ NPP

October 16, 2026

Pynsñiaw ka seiñ kynthai ha ka Fact-Finding Committee yei pyrchah ya ka Shree Cement

October 16, 2026