Jowai: Ka seiñ Hynniewtrep Achik National Movement (HANM) East Jaiñtia Hills District da chem ko wa nadooh wa sdang haap u slap da em chiboon ki sarok kiwa da sdang wow sih wow pra ha ki bynta yong ka chnong Umkiang, Dona wa Ratacherra wei ha kini ki thaw, u sarok da dap u da ki thlu ha waroh tymbud wei da dawa joor naka NHAI wow chna noh wut wut ya ki bynta wa da sih u sarok nadooh na Jowai hadooh Malidor wei ym toh u muja du wow chim ya ka bai lai bai wan ki bru lyngba ki Toll Gate.
Ka seiñ da sñiaw ko wa ym em yumut wow khrong ya ka poisa katwa u sarok won man u uwa sih. Kamtæ ka NHAI ym toh u pynslem ko wow pynchna ya iwa sih wei lada ym leh kamtæ daw ktah ko ya ka lai ka wan ki paidbah ha uni u sarok.
Chooh chooh ka HANM da ong ko lada pynslem wow pynchna ya u sarok daw wanrah ko ya ka tyrrah kari wei man ko leh ka kitkhlieh ka NHAI wow pynsmat wow chna ya ki bynta wa sih.
Neiliang u President ka HANM-EJHD, u Ency Shadap da ong u wa lada NHAI ym leh smat ko yei kaam, ka seiñ ym yohsa ko wow khang syndon yaka Toll Gate.
Discussion about this post