theme-sticky-logo-alt
theme-logo-alt
Advertisement ad1
Advertisement ad1

Maham sa ka KJNU yaka seiñ kieñ suloi ki Hmar

Advertisement ad1
Advertisement ad1

Jowai: Ka Khasi Jaiñtia National Union (KJNU), da maham joor ko ya ka seiñ kieñ suloi wa tip kam ka Hmar People Convention-Democratic (HPC-D), wa toh u sangeh næ pyndam syndon ya ki kaam pyntieñ pynsmiej ya ki jaitbru Khasi Pnar næ ya ki paradoh para snam yong i kiwa chong wa sah ha chnong Athukhal kawa haap hapoh ka Cachar District, Assam khappood waka jylla Manipur, iwa da jia ha kini ki sngi wa dang dep.

Neiliang uwa yahkhmat ka KJNU u Niman Shadap, da ong u, “Lada ki jaitbru Hmar ki lai ki chaphrang wow pynthut næ pynwit ya ki para doh parasnam yong i wei lada em iwon iwon i jia wa sñiawsih ya ka jaitbru yong ngi, ki Hmar kiwa chong wa sah heini hapoh u pood u ang yong i toh u chim ki yei kitkhlieh, wa daw pynhiar tput neidaw wym ye u chah wa ki paradoh parasnam yong i u joo umkhmat ki ha ri yong kiwi, neibhah i khmat neibynta i khmat, i lamieñ neibynta i lamieñ.”

Advertisement ad1

Chooh chooh uwa yahkhamt ka KJNU, da ong u wa lada ki Hmar kwah ki yei yasuk næ i yatip lang para bru, ym toh wow bichaar næ tuklar ya ka jaitbru yong i. Khaddooh khatwai neiliang ka KJNU da kitbok kitrwiang ko yaki paradoh parasnam kiwa em cha katai ka thaaiñ wa ym toh u tieñ ki næ dooh kyrmen, neibhah neiliang yong ka KJNU wa kiwi daw emlang wa phi wot lada em phi cha jngai na i, tangwa man i kiwa smat u e yada ya phi, ham sñiaw khonswet lada i em i haka yong i hi ka jylla, neibhah ka khyndaw ye ko wow pynkhlaad ya i tangwa i snam ym ye i wow pynkhlaad ya i la kammon kammon leh, pynkut u Shadap.

Share this:
Previous

Wai ka SURE ya i dukan Mei Ramew Cafe ha Cham Cham, East Jaiñtia Hills

Next

Hadooh T 5.24 klur wiar ka bai Ticket wa da khrong na u Statue of Unity