Khliehriat: Ynne ka sngi ka KSU-Khliehriat Circle hapoh i yahkhmat u S.S. Niangti uwa man kam u President, u Shaniahskhem Dkhar, u Kwilness Suchiang wa man kam u President ka KSU Narpuh Circle da lai yachem ki ya u Deputy Commissioner East Jaiñtia Hills u FM Dopth wow pynsñiaw yei pyrchah joor hajrong i chna Mandir ha i thaw sorkar wa nachwa wa man le hi thaw ka PWD wei katni da ekti won cha ka General Administrative Department kawa em hajan u motdur u woh Kiang Nangbah.
Ka seiñ na ki por cha ki por heiyatoh wa kani ka kaam da booh dorkhat ki ha ki bor district tangwa katni nawon da sdang yieñ da ka yung moo khyndawbilat ha kani ka thaw.
Heiyachem wa u Dopth da pynsñiaw u wa dadep pynsangeh ya kani ka kaam tangwa neiliang ka seiñ da dawa ko wa ymtoh wow pynsangeh tangwa u sliah noh ya kani ka yung hapoh uni u bnai.
Ka seiñ da ong ko wa lada ka sorkar ym chimkhia ko yeini, ka seiñ dei wym yohsa daw chim ko yeini i kaam ha kti yong ka wow sliah ya kani ka yung mandir.
Heijooh i por ka seiñ da ong ko wa ymem pyrchah ko ya kawon kawon ka jait niam tangwa pyrchah ko yei chna ya kiwon kiwon ki thaw lehniam næ mane ha ka thaw sorkar.
Da pynrap ko leh deiwa ong wa lada e ka sorkar ya ka niam Hindu wow chna Mandir tæ da toh leh wow e thaw ko ya kiwi tawon leh ki jait niam wow chna yung lehniam ki.
Ha kani ka sngi yachem wa u Dopth da emlang leh kiwa kitkaam na ka District Body u Ohibait Dkhar wa man kam u President KSU-JHDU wa u Garland S Manner wa man kam u Asst. Secretary KSU-JHDU.
Discussion about this post