U Gurpatwant Singh Pannun uwa man kam uwa yahkhmat wow yaleh yow yoh ya ka Khalistan hapoh ka ri India, da maham u ya ki bru wym toh u hær ki da ki lieñsuiñ ka Air India nadooh ka 1 tarik hadooh ka 19 tarik u Khonchonglad (Nov), 2024 iwa man leh kam chibynta i dap 40 snem wa jia chah pynyap ki Sikh.
U Pannun uwa man leh kam uwa sdang ya ka Sikhs for Justice (SFJ), da maham u wa ye u jia ha iwon iwon i por ya ka lieñsuiñ ka Air India ha kini ki sngi.
U Pannun man u leh kam uwa chong chnong ka US wa Canada najrong wa man u kam uwa chong chnong ka India wei da tipmit ya oo kam u Terrorist da ka Ministry of Home Affairs nadooh u Naiynñiaw 2020.
Ynnin u snem u Pannun leh da pynmih u kam kani hi ka jooh ka maham ha ini i jooh i por tangwa ym em jia iyi iyi wei ini da wan i hadien wa mih boon i chah pyntieñ wa em Bomb ha ki lieñsuiñ ha India ini wa dep.
Kamwa man kattæ da em leh i wym em de i yatoh wa biang hapyrdi ka India wa Canada hadien wa u PM ka Canada da pynbaad u ya ka India wa emkti ko hei chah pynyap u Hardeep Sing Nijjar ha Canada uwa da tipmit ka India kam u Terrorist.
Discussion about this post