Shillong: U Spl. Superintendent of Police (CID), Meghalaya, Shillong da pyntip u cha ki manbei manpa wow man ki kiwa husiar wa ye u chimbynta ki khon ki ha ka yalehke wa ma bha katni wa tip kam ka “Blue Whale Game” wa sdang da u Philipp Budeikin kawa da emkti heiwow dooh yei mynsien yong palat 100 ngut ki khynnah hadooh ki khynroo khyllood.
Kani ka Blu Whale Game da sdang ko deiwa em wa pynbna cha ki Social Media wa kwah ki u chimbynta ha ka wei hadien da em ki bru wa tip kam ki Administrator kiwa phah ya ki wow leh ya ki kaam wa khian nadooh wow khai thiah pyrdi synyaw te pait phlim ksuid wa jied ki, u puræ ya ki jait kot waphær waphær, u ah kha ya ki kti ki kjat yong ki wei hawa khaddooh ha ka sngi wa 50 da phah ya ki wow chim ki pyn yei mynsien yong ki.
Kamtæ da kyntu ya ki manbei manpa wow pait bha ya ki khon ki boi:
Em i kha ah ha i doh i pran yong ki, man ki kiwa sñiaw sih, da dam ki u yajan wa ki lok yong ki kamjooh wa kiwa ha yung ha sem yong ki, man ki kiwa chrai biej, da sdang ki leh u dam ya ki kaam wa jooh myllien ki.
Ki bei ki pa ye ki u pait wa i yi thooh ki lyngba ka Goolgle neibhah boon hi ki wa phah leh ya ki ha kani Blue Whale Game toh iwa rap phær wei boon pynemkaam ki da ka Google wow thooh yei ni. Ye ki u pait weiyi yaklam ki lyngba ka Facebook, SMS, WhatsApp wa kiwi kiwi.
Lada sñiaw wa yaklam ki khon ki chapahang ka Blue Whale Game toh u yaklam u ya parom ya ki khon chaphang ini wei wow pyntip leh cha ki skur kiwa sikai chaphang ka Blue Whale Game yow lait iwon iwon i jia wa sñiawsih.
Discussion about this post