15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kyntait u Sanbor wa daw psiah u cha ka BJP

0 Comments
Advertisement ad1
Advertisement ad1
Advertisement ad1

Shillong: U MLA ka NCP na South Shillong, u Sanbor Shullai da kyntait u yei mih ka khubor hamsaya wa daw lai psiah u cha ka BJP neibynta ka election MLA ka wow wan.

Hawa yaklam u wa kiwa pathai khubor ynne ka sngi, hadien wa wai ya ka yungkrehkaam ka NCP ha Laitumkhrah, u Sanbor u da ong u wa i mih khubor ymtoh iwa sakhiat heiwa da ong u leh wa hapoh ka jylla ki bru ym jooh jied ki ya ka party, ki jied ki ya u bru.

U Sanbor uwa man leh u President ka NCP Meghalaya da ong wa ha kam kini ki por wa da jan ka election, mih ki khubor boon jait wow yah bakla ya ki paidbah, tangwa neiliang yong oo da rai u wow em bait wa ka NCP wei wow yakhun Election u leh na ka NCP.

Da ong u wa katni ka NCP ka da pynkhreh ko chaaid chaaid wow yakhun Election wei da kam u leh wa boon ki MLA kiwa katni wa kiwa rim leh daw wan psiah ki cha ka NCP.

Da pyntip u wa da ekti ha u Saleng A Sangma wow pait ya ka ri-loom Garo wei daw pyrchang leh u pynyieñ kyrtong ha waroh ki 60 tylli ki Constituency.

U Saleng uwa dang dep psiah cha ka NCP uwa thmu leh wow yakhun na ka ticket ka party da ong wa oo bichaar bniah u ya ki party waroh chwa wow lai cha ka NCP.

U Saleng da beiñ u ya ka sorkar MUA-II kawa yahkhmat da ka Congress deiwa ong wa ka pynboon ko du i li wai mooyurim kylleiñ ki thaw, da pynkha ko leh ya ki ki District ha ki snem wa dadep wei ki paidbah toh u bichaar bha ki yeini i leh ko wa lada ye ko namo ym ye ko u e i chakri wa pura.

Kiwa yahkhmat ka NCP da kyntait ki wow klam chapahng ka BJP deiwa ong wa ka ym em MLA ko wot tang uwi leh hapoh ka jylla katni wei rman hi-eh ko.

Share this:
Previous

Maham u heh pulit ya ki manbei manpa chaphang ka Blue Whale Game wa ye ki khynnah u leh

Next

Ha khmat yung u HDR kbai wei kyriaw ki dkhot ka HYC ya ki mat dawa yong ki chwa wow poi Shillong