Maham u Paul ya ki Khasi wa thmu wow pynchah pyrtuid ha ki kaam chongdai madan

Shillong: Ka Khasi Hills Autonomous District Council (KHADC) lyngba ka chnat khayi pateiñ da maham ko ya ki tre chnong kiwa dai næ kam tre ya ki dukan ki baar jylla wa chong dai madan hadien wa ka Council da dep pynmih ko ya i pynbna wow khang ya ki baar jylla wa khayi hapoh u pood u ang ka KHADC khlem yohbor næ Licence.

Hawa klam ynne ka sngi wa kiwa pathai khubor u Executive Member ka chnat khayi, u Paul Lyngdoh da maham u ya waroh ki Khasi wa ka Council daw leh ko deiwa khor lada chem ko ya kiwon kiwon kiwa pynchah pyrtuid namo leh benami.

U Paul da ong u wa ha ki por wa dadep ka Council ymye ko wow leh iwon iwon kam kini tangwa ha kani ka kynti neiliang ka KHADC da pynkhreh da iwi i rukom katkam ka aiñ wei ha kini ki kajiak sngi daw batai ya ki sahep ka Council kammon wow leh ya kam kini ki bru.

Da ong u leh wa ka KHADC ye ko wow kynreh ya ki baar jylla ha iwon iwon i por, tangwa katni kini ki bru toh u wan paan bor ki na ka Council chirup wa ki kot ki sla wa emkaam khnang wow ye ki u chong dai madan wei lada ymleh ki yeiwa emkaam daw pynchitom ya ki katkam ka aiñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

U Paul da ong u wa i pynmih ya kani ka hukum yong ka KHADC man i iwa yootieñ khamtam i roi ki baar jylla wa wan chong dai madan.

Da ong u leh wa kani ka kaamram leh toh ka yong ka sorkar jylla neibhah wa em ko ki aiñ yong ka hi kam ka Eviction From Public Premises Act, 1980 deiwa yooluti u leh wa ka sorkar jylla daw leh ko yeiwa emkaam khnang wow suk ki paidbah.