15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Lai sylli kot ki pulit wa ka JSM ya ki baar jylla

0 Comments

Jowai: Ka Jaiñtia Student’s Movement Nartiang Circle ynne da synraan ko ya ka chnat Infiltration ki pulit ka District hapoh i yahkhmat u I/C C. Kharbih wa u K. Lamare heipor wa lai kynreh kot ki ya ki baar jylla ha Mynsngat.

Ya ka seiñ da yahkhmat da u Joint Secretary ka Nartiang Circle, u Dawyo Siangshai General Secretary, hei emlang u Skhemlang Dkhar, Publicity Secy. ka Central Body wa ki dkhot ka JSM Nartiang Circle.

Advertisement ad1

Ha kani ka sngi da lai kynreh ya ka Tyndur ha Mynsngat yong u baar jylla, u Sman Ali, heiwa em bru kiwa khlem kot khlem sla, da lai leh ha ka Petrol Pump thymme wa pynkreh da u Kitbok Rymbai heiwa da e por chi sngi ya ki wakreh wow pynbiang kot ki.  

Ha Iawmulong Nartiang da chem boon ki baar jylla wa chongdai wei hadien wa sylli ya ki kot da pynyoo ya ki Trading Licence wa ki Labour Licence kiwa da Xerox heiwa da phah rah ya ki da kiwa sakhiat.

Ka seiñ da ong ko wa ha iwi i dukan Steel Fabrication ha Iawmulong Nartiang em ki wakreh baar jylla kiwa da e ya ki kot ki sla ki cha u tre dukan, u Head Myria uwa da wan u ha dukan deiwa klam pynkhor ya ki dkhot ka seiñ chirup ki kyntien khlemakor  wei hajrong ini ka seiñ da beiñ ko yei leh ya uni u tre dukan deiwa ong leh wa daw booh ko leh da ka ujor ha Nartiang Police Station pyrchah yei klam u.

Iwa pyntip da u Head Phalangki, Working President, JSM Nartiang Circle.

Previous
Next

0 Comments

Leave a Reply