Jowai: Ki ar seiñ wa kynthup ya ka JNC-CB waka KSU-KC ynnin ka sngi hapoh i yahkhmat u Wanshwa Suting, President ka Jaiñtia National Council, CB wa u Cherity Suja, Asst. Finance ka Khasi Student Union-KC da lai yachem ki wa kiwa pyllai ya ka Topcem Cement hadien wa kini ki ar seiñ da yoo ki yei ood ki paidbah kiwa em hapoh ka Narpuh Elaka lyngba ki dur wa mih ha Facebook wa pynmih la-ær wa tngit ka Top Cem Cement ha kani ka 2 tarik uni u bnai kawa ktah leh ya i chait i khiah ki paidbah.
Ha ini i yachem wa pynman ynnin ka sngi, ki ar seiñ da pyrchang ki u thooh tre yeini i pynmih tdem pynmih pum pum ka Topcem Cement wei da chem wa em sakhiat ini.
Hawa yaklam won ki wa u Vice President ka Topcem Cement da ong u wa da mih ka laphooh ka pum pum napoh ka karkhana toh wa em i thut kawi ka kor.
Kamtæ ki ar seiñ da kyntu ki ya oo wa ymhoi de u jia kam ini i jait neini cha khmat wei daw lai ujor ki leh cha ka Meghalaya State Pollution Control Board yow takit ko chaphang ini i jia iwa toh neibynta ka bha ka miat, i chait i khiah ki bru wa chong chnong chajan kani ka karkhana pynmih khyndaw bilat.
Discussion about this post