Hadien wa yoh chiboon ki ujor na kiwa boon ki khynnah wa dooh thaw lai puræ deiwa chah kyntait yow yoh Admission, ynnin ka sngi ki heh ka JSM Western Region wa ka JYF Jowai Circle da lai yachem ki ya u Principal yong ka Govt. Kiang Nangbah Higher Secondary School.
Uni u Principal da ong u wa katni da kynjoh lut katkam wa da mang (Capacity) kawa 350 ngut wei wot du kini ki 350 ngut leh da khynñia ki kamra, kamtæ da kyntu u ya ki khynnah wa dooh thaw puræ wow pyntip cha ka seiñ JSM wa JYF khnang wow ye ki u yaklam waka sorkar.
Neiliang u Ribok Biam, President ka JSM da ong u wa ki nong Jaiñtia, ka sorkar iehbeiñ bha ko lada nujor wa kiwi ki District neibhah ym jooh chem wa jia kamni i dooh thaw puræ ki khynnah.
Da pynkynmoo u leh wa toh wow e noh da ka Government College ha East Jaiñtia Hills District khnang wow wiar noh kam ini i jia neini chaphrang.
Chooh chooh ki ar seiñ da ong ki wa lada ka sorkar ymye ko wow leh yeiwa emkaam hajrong ini neiliang yong ki daw sdang noh ki da i yakhih.
