15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Maham yakhih kiwa sikai SSA hadien 3 snem tam wym yoo ki dak na ka sorkar

Advertisement ad1
Advertisement ad1
Advertisement ad1

Kiwa sikai skur SSA hapoh ka lama Meghalaya SSA School Association (MSSASA) da maham ki wow pynman da ka yakhih paidbah nadooh ka 1 Naichiphaw lada ka sorkar ymye ko wow jubab næ su pyndep noh ya kiwa sikai hapoh ka 30 tarik uni u bnai.

Kini kiwa sikai da pynman ki leh ya ka yakhih ha Madan Malki, Shillong heiwa da chim ki ya ka rai wow sangeh sikai 2 sngi ha ka 1 wa 2 tarik u bnai wow wan lada ka sorkar dang suki ko yei dawa yong ki iwa man katkam ka Right To Education.

Advertisement ad1
Advertisement ad1

U Aristotle Rymbai uwa man u President ka MSSASA hawa klam ha ka yalang da ong u wa kiwa sikai da dawa ki na ka sorkar jylla ya i hok yong ki neibhah wa ka sorkar da kular ko wow pynbiang lut ya i rukom su cha ki katkam wa toh u yoh ki.

Da ong u wa nadooh u 2013 kiwa sikai da phah ki boon tylli ki dorkhat cha ka sorkar tangwa ym em u chimkhia ko yeini wei u montri ka chnat puræ puthi ka jylla, u Lahkmen Rymbui leh da pyntikna u wa dadep pynbiang lut liang wanang heipor wa yachem u wa kiwa sikai.

U Aristotle da ong u leh wa ka sorkar MDA da thok donhi ko ya kiwa sikai wow man ki kam ki broo yong ka wow ky’i bait yeiwa ong ka sorkar, heiwa da ong u wa sa katwon u chah kiwa sikai neibhah la le snem chiteiñ khlem kiwon kiwon ki dak tangwa du i raw i dooh ki 12,000 ngut kiwa sikai.

Share this:
Previous

Dang sylli bniah chwa wow pynku kyrdan ya ki thaw sumaar hapoh jylla: Prestone Tynsong

Next

Smat u Renik wow kynran dien yei mantre ya ka karkhana Coke ha East Jaiñtia