Maham yaleh mukotduma ka JTTA lada ym yoh thaw chongdai waroh ki 600 tam manda wai ya ka Iawmusiang

Ka seiñ kiwa chongdai ha Iawmusiang hapoh ka lama ka Jaiñtia Tribal Traders Association (JTTA) ynne ka sngi da lai yachem ko ya u EM wa pait ya ka chnat Market ka JHADC, u S. Shadap.

Ini i yachem toh hajrong i duna i em ki dukan ha ka Iawmusiang Shopping Complex kawa dang pynkreh kattæ.

U President ka JTTA, u Iatha Najiar da ong u wa ynne da e ya ka dorkhat ha u EM heiwa da pynsñiaw wa ha ki snem wa tympra ya ka yaaw warim da rai wa manda dep chna ya ka toh u pdiang chwa ya kiwa jooh chongdai warim.

Da ong u wa chwa wow kyrriah ya ka yaaw da em 600 tam ki dukan (Stall) wei i kwah yong ki toh ymtoh u duna ki dukan neiwa jooh em chwa.

Chooh chooh da ong u wa ha kitu ki snem da paan por na ka Council chwa wow kyrriah ya ki tangwa ym em yohpor ki iwa da pynbor ya ka JTTA wow lai ujor da ka mukotduma heiwa da e por ya ki wow kyrriah ki na dukan.

Related posts

Khut sñiawbha ka Khynroo Khyllood Seiñ Raij Chnong Tuber Kmaishnong cha ka Lympung ki Khynroo Khyllood Seiñ Kyntu Seiñ Raij 12-Daloi

December 19, 2025

Ym yoh laad ki seiñbhlang u psiah cha ka Public Hearing ka Shree Cement ha Daistong

December 19, 2025

Neiliang u EM da kular u wow chimkhia wow rah cha u CEM wei wot cha ka Executive Committee ya kani ka phang.

Heiyatoh won wa i e Permit thymme, u Iatha Najiar da ong u wa tang kat yeiwa em kttæ ymye ka Council u pynbiang kammon won u leh ko ya ki Permit thymme.

Da maham u leh wa lada ym yoh dukan kiwa ksoh Permit wa em 600 tam (chwa wow kyrriah ya ka Iawmusiang) neiliang ka JTTA leh daw rah ko yeini i kaam cha ka General Meeting wei ym yohsa ko wot wow ujor da ka mukotduma.