Ka President ka ri, ka Droupadi Murmu ynne ka sngi da pdiang ko ya ka Promotion and Regulation of Online Gaming Bill, chi sngi hadien wa pdiang ka Rajya Sabha ya ka.
Kani ka aiñ khang ko ya ki Online Money Gaming Service namo ki jait yalehke Mobile wa pynemkaam poisa heiwa kiwa leh pyrchah u chah kset ki hadooh 3 snem næ da ka kuna wa Rs. 1 klur.
I booh Advertisement yong kini ki jait yalehke u chah kset ki hadooh ar snem namo wa ka kuna wa Rs. 50 lak.
Ka Rajya Sabha da pdiang ko ya ka Promotion and Regulation of Online Gaming Bill, 2025 hapoh 26 minit donhi nadooh wa wanrah ya ka.
U Montri ka chnat Electronics & Information Technology, u Ashwini Vaishnaw da ong u ya ki MP ka Parliament wa ki paidbah da dooh poisa ki na ki Online Games.
Da ong u wa ka sorkar antaad ko wa em 450 Million ngut kiwa yalehke kiwa da dooh palat Rs. 20,000 klur na ki Online Money Gaming Platform.
U Prime Minister Narendra Modi da ong u wa kani ka Bill daw pynchlur ko ya ki e-Sports wei u yada ko ya ka imlang sahlang na ki Online Games.
Kani ka aiñ da khang ko leh ya ka Bank wow pynlait ka poisa wa yathong ki bru lyngba ki Online Games.
Discussion about this post