Ka Dakaniwan Shullai da pyndep ko ya i puræ Post Graduate ha ka Criminal Law and Criminal Justice na ka Pondicherry Central University, kawa man kawi na ki University wa hakhmat dooh ha kani ka chnat puræ wa yatoh wa ki aiñ.
Ka Dakaniwan da pyndep ko ya kani ka kyrdan puræ deiwa yoh ya ka Grade O (Outstanding) ha waroh ki Subject kitæ- Introduction to Criminal Justice and Society, Criminal Law and Procedure, Police and Law Enforcement, Psychology of Crime, Forensic Science, Cyber Crime, Crime Prevention Management, Juvenile Justice System, iwa da pynman yaka kam ka “Topper” hapyrdi kiwa yaleh ya ka jooh ka Exam.
Ka Dakaniwan Shullai toh ka khon u ma Singh Mulieh, uwa man u MLA warim ka Jowai Constituency, wa ka kong Amita Shullai kiwa sah ha Loompyrdi, Iongpiah, Jowai.
Ka Dakaniwan da pyndep ko yaka SSLC ko na ka KJP Synod School, HSSLC na St. Mary’s College, LLB na SDM Law College Mangalore, Karnataka State Law University.
