Ha ka sien wa nyngkong lyngba ka Citizenship Amendment Act (CAA), kawi ka bru wa 40 snem na Sribhumi District ka Assam kawa psiah cha India ha u 2007 da man tre ri ko. Uwi won toh u bru uwa 61 snem i rta na Cachar District wei da man tre ri u lyngba i krehkaam ka CAA ha Assam.
Ka CAA da man aiñ ko ha ka 11 tarik u December, 2019, heiwa da em leh i yakhih wa joor ha kylleiñ ka ri khamtam ha Assam.
Ki kyndon namo ki Rule wow krehkaam kani ka aiñ da pynmih ha u snem wa dadep, heiwa 40 ngut ki bru da pyndap (Apply) ki wow man tre ri du ha Assam donhi.
Kani ka aiñ pynkupbor ko ya ki Hindu, Christan, Buddhist, Sikh, Jain wa Parsi wa yut na Bangladesh, Pakistan wa Afghanistan wei kiwa psiah cha India hapyrdi u March 25, 1971 wa December 31, 2014 wa ye ki wow yaleh wow man tre ri.
Discussion about this post