Manipur: Chah thang kamwa 20 tylli ki yung ki Thangkhul Naga hadien wa mih i kynaad hapyrdi ki ar jaitbru

Kamwa 20 tylli ki yung wa mantre da ki jaitbru Tangkhul Naga wa em ha ka chnong Litan ka Ukhrul District ka Manipur da chah thang ki ha ki bru wa suba toh ki Kuki heiwa da poor leh i Video wa pynyoo yeini wa jia.

Kiwa chong chnong ka Litan da pynbaad ki wa ki chipai da ya krehlang ki wa ki Kuki heiyatoh wa ini i chah thang ki yung ynnin miet.

Ynnin ka sngi da pynkrehkaam ya ka Curfew ha kani ka chnong hadien wa mih i kulmar hapyrdi ki Tangkhul Naga wa ki Kuki.

Neiliang u District Magistrate da phah u wow wan ki chipai ka Assam Rifles, ki Central Armed Police Forces (CAPF), ki chipai ka Bihar Regiment wa ki chipai ka 4th Mahar Regiment.

Katkam ka khubor wa da mih, ini da sdang i hei miet ka 7 tarik uni u bnai heipor kamwa 8:30 ha Litan Sareikhong, heiwa da em kiwa muaid na ki jaitbru Tangkhul wa Kuki kiwa em cha sarok wei da pynbaad leh wa uwi u Tangkhul Naga uwa tip kam u Sterling da chba u ya ka Torch Light u ha kini ki bru hadien wa sñiaw u ki tangwa kini ki bru wa suba toh ki Kuki da dat ki oo neidaw wa chbha u hei dur yong ki.

U Sterling da mynso u na ini wa jia wei hadien da kit ya oo cha ka Hospital wa em ha Imphal yow yoh u yei sumaar.

Manda poor ini wa jia, ki bru ka chnong Sharkaphung da dawa ki na u waheh chnong ka Litan Sareikhong wow e kti cha ki ya kitu kiwa emkti ha ini wa jia tangwa ki da ong ki wa daw bichaar ki yeini i kaam katkam ka rukom ka chnong deiwa pynbait sngi ha ka 8 tarik wow leh yeini tangwa kiwa ha-yung ha-sem uni uwa mynsoo ym em wan ki.

Neiliang ka Kuki Students’ Organisation (KSO) da ong ki leh wa da ye wow pynbait wei wow poi chei suk katkam ka rukom ka dustur ki bor chnong deiwa yaklam ki bor chnong ka Litan Sareikhong wa kiwa ha-yung ha-sem uwa mynsoo.

Tangwa ka Katho Katamnao Long (KKL) da kyntait ko ya ini wa ong ka KSO deiwa ong wym em leh deiwa biang yow pynbait ya ini i kaam heiwa da dawa leh na ka KSO wym toh u yahbakla ya ki bru wei i leh ki toh du wow pyndait-thah yeiwa jia.

Related posts

Mynsoo 6 ngut hadien wa chah tyrrah ha ka Lamborghini wa yah u khon u heh spah

February 9, 2026

Pynbna u Conrad da ka Judicial Inquiry Commission heiyatoh wa i jia ha Mynsngat-Thangskoo

February 9, 2026

Kiwa chong chnong ka Sharkaphung da ong ki wa ya iwa dawa ki ym em ye wow leh, wei da em leh ki bru wa lai hiar thma yei yung u waheh chnong ka Litan Sareikhong wa yei yung u bru wa chah dat.

I kynaad da joor biang i hadien wa ki ar jaitbru ya kawang moo ki. Neiliang ka Katho Katamnao Long wa ka Kuki Students’ Organisation da kyrpaad ki yow neh i suk i saaiñ.