Mar 10 snem phah kset ka yung bichaar ya ki 4 ngut kiwa slaitbor khynnah ha EJH

Ka yung bichaar Special Judge POCSO hapoh East Jaiñtia Hills, da rai pynchitom ko ya ki 4 ngut kiwa slaitbor ya ki khynnah kiwa em hapoh 18 snem ha ka District.

Ha ka 11-03-21 ka yung bichaar da pynmih hukum wow pynchitom ya u Thaura Darnei uwa da slaitbor ya ka khynnah ha ka 28-05-2017 wei da rai pynchitom ya oo deiwa kset deiwa khor (Rigorous Imprisonment) wa 10 snem hapoh ka kyndon Section 6 POCSO Act wei wow su u ya ka kuna wa T. 5000.

Ha ka 01-04-21 da pynmih hukum yow pynchitom ya u Elbert Marak uwa da slaitbor ya ka khynnah ha ka 16-11-2016 deiwa kset ya oo deiwa khor (Rigorous Imprisonment) hadooh 10 snem hapoh ka kyndon Section 361 IPC wa Section 6 POCSO Act wei wow su ya ka kuna wa T. 10,000.

Related posts

Chah tooh sa kawi ka Scooty na pchem yung

February 6, 2026

Chah kem uwi wa 2.48 Kg u bhang ha Ward’s Lake

February 5, 2026

Ha ka 08-04-21 da pynmih hukum yow pynchitom ya u Kanu Das uwa da slaitbor ya kawi ka khynnah ha ka 03-03-2016 wei da rai wow kset ya oo deiwa khor hadooh 10 snem katkam ka kyndon Section 6 POCSO Act wa ka kuna wa T. 10,000.

Da chim rai leh wow kset deiwa khor hadooh 10 snem ya u Mehun Lamurong ha ka 15 tarik uni u bnai uwa da slaitbor ya kawi ka khynnah ha ka 01.01.2018 wei da rai kset ya oo katkam ka Section 6 POCSO Act chirup wa ka kuna wa T. 10,000.