Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), da poi ko cha ka sngi wa le ynne.
Ka yalehke wa da pynman toh hapyrdi ka Mynsngad waka Khliehmynkrem kawa da kut mar 3-3.
Ya ka Mynsngad da thap kool da u Army Talang haka minit wa 17, u Banker Muksor haka minit wa 21 wa u Shanbor Satein haka minit wa 51.
Ya ka Khliehmynkrem da thap da u Eurester Mynthlu haka minit wa 34 wa 59 wa u Tremiki Jyrwa haka minit wa 79.
Ka yalehke mynstep u man ko hapyrdi ka Mooknor Thadmuthlong waka Panaliar heipor 3:00 waje i sngi.
