U Working President ka United Democratic Party (UDP), u Paul Lyngdoh da ong u wa ym toh de u e wai ya u chabi yung cha Nagpur lane Delhi, wei lada ym ye wow synchaar hi, dang bha wow lai uiñ biang cha Assam.
U Paul da ong u ya ini ha ka yalang yong ka Party ha Sohiong, hawa pdiang burom ya u MLA warim yong ka Congress cha ka UDP, u HDR Lyngdoh.
Da ong u wa ka jylla ka emkaam ko yei kylla, neibhah hadien 50 snem wa da yoh ya ka jylla yong i hi, 35 snem da synchaar da ki National Party, wei katni da emkaam wow pynthymme wei synchaar hi ki tre da idæ khlem da e wai de ya u chabi yong ka yung.
Uwa yahkhmat ka UDP da ong u wa katni toh wow pynthymme yei mynsien ki manpa wa ki tymmen kiwa da wanrah ya ka jylla wow synchaar hi da ki tre chnong, neibhah wa lada ym pu ye u synchaar hi iyi mut wow yoh ya ka yong i hi ka jylla.
U Paul Lyngdoh u la ong chooh chooh u wa ka jaitbru ym toh ka wym ye wow sai ya kiwa yahkhmat, tangwa da dep wow sai nachwa wei daw sai biang ha kani ka kynti.
