Mar Rs. 1 lak yoh ki 21 tylli ki Sports Association ka West Jaiñtia yow yarap pynkhreh ya ka Meghalaya Games

Hadien wa u Montri Rangbah ka sorkar jylla, u Conrad Sangma dadep pynkham kti u ya ki Cheque ha u MLA ka Jowai, u Wailadmiki Shylla heipor wa wan wai pyrda u yei lehkmen dap 100 snem ka Dorbar Chnong Chutwakhu ha Jowai ha ka 10 tarik kam chibynta u kyrchaan hajrong i pynkhreh ya ka Meghalaya Games wa daw man ha Jowai, ynne won neiliang u Wailadmiki Shylla da e kti u ya kini ki Cheque wa mar Rs. 1 lak cha kiwa yahkhmat yong ki 21 tylli ki Sports Association kiwa haap hapoh ka West Jaiñtia District Sports Association.

Ya kini ki Cheque da saam ha ka yalang wa tbian wa pynman ha yung krehkaam ka WJDSA ha Jowai deiwa emlang nadooh u District Sport Officer ka WJH, u Khroobok Passah, kiwa yahkhmat ka WJDSA wa kynthup nadooh u Working President u EMH Passah, u Vice President, u Patrick Lamare, u General Secretary u Lamat Oo Laloo wa kiwi.

Neiliang u Wailadmiki Shylla hawa klam da pyn-eh-daw u ya waroh ki Association yow lehbha ki, wei u ngait skem u leh wa kani ka poisa u man ko i yarap wa khroo ya ki.

Related posts

Pynbaad ka KHNAM wa thung kreh deiwa Phone donhi hapoh ka Secretariat

September 11, 2026

Phah ki MDC ka East Jaiñtia ya ki karkhana Coke wow pynkhooid ya ka la’ær wa mih | Daw pynchitom ya ki wym leh

September 11, 2026